Umeen arteko elkar laguntza

Argazki honetan ikus dezakegu, nola ume talde bat eskutik helduta dagoela elkartasuna adierazten, hau da, euren artean laguntzen eta errespetatzen dira, eta ez dute inor baztertzen, horrexegatik talde osoa laguntza behar duenari eskua ematen dio euren laguntza eskaintzen, eroso senti dezan, baita konfiantza, babesa eta laguntza ere garatzen.

Haatik, esan beharra dago, bakarrik dagoen umearen kasuan premia bereziak edota arazo psikologikoak dauzkaten umeak ere badaude, hots, klase batean gaitz horiek daukaten umeak bere kideen aldetik laguntza jarrera, tratamendu ona baita arreta handia ere jasotzen dute. Ez jasotzekotan irakasleak bere partetik jarri behar du egoera hori zuzentzeko ume guztiak haien ahalmenak eta ezintasunak alde batera uzten errespetua sustatuz.

Beraz, argazkian agertzen den irudia adibide gisa erabil dezakegu, haur hezkuntzako ikaskuntzan, hots, umeek elkarlana, elkarlaguntza eta adiskidantza adierazi behar dute beste haurrengan horrela guztiak integratu ahal izateko eta arazorik ez edukitzeko.

Haurren 100 hizkuntzak

Bideo honetan, ikus dezakegu nola umeek esaten digute ikasteko modu desberdin bat nahi dutela, non irudimena indartu dezakete. Aske jolastea eta ikastea eskatzen dute, eskuekin dena ukitzea, klasean parte hartzea, hau da, modu libre batean ikasi nahi dute!

Curriculum-an irakurri dezakegun moduan, gorputza eta kanpoko errealitatea aztertu behar dute zentzumenak erabiltzen,hautematen diren sentsazioak eta pertzepzioak gero eta hobeto identifikatzeko. Lehenengo eremuaren eduki hau ezin da bete ez badiegu uzten dena ukitzen, zikintzen, bere kabuz ikertzen, etab.

KONSTRUKTIBISMOA.

Jarduerak egiteko jarraibideak.

Hezkuntzaren oinarriak.

Argazki honetan hezkuntzaren oinarriak zeintzuk diren ikus dezakegu :

- Ezagutzen ikasi.

- Elkarrekin bizitzen ikasi.

- Gauzak egiten ikasi.

- Izaten ikasi.

Lehenengo bi oinarri, Haur Hezkuntzako curriculumaren bigarren esperientzia eremuan ikusi dezakegu. Esperientzia eremu hau, curriculuma esaten duen moduan, ingurune naturala, fisiko eta soziala osatzen duten testuinguruen gaineko ezaguera gero eta doituagoa eraikitzeari dagokio. Ezaguera horrek berekin dakar errealitatearen adierazpen zehatza egitea, ingurunearen zati garen sentimendua garatzea eta ingurunea osatzen duten elementuak errespetatzen, eta haiekiko interesa izatea eta behar bezala baliostea. 

Hau da, umeek beste pertsonekin bizi ahal izateko errealitate nola funtzionatzen duen ikasi behar dute, horretarako bere inguruan daukaten guztia ikusi, ukitu , behatu... behar dute eta aurkitzen duten gauza guztiak errespetatu.

Bigarren oinarrian zentratzen bagara, esperientzia eremu honen 3º helburuan argi ikus dezakegu, beren esperientzia hurbileko hainbat gizartetalde, haien zenbait ezaugarri, ekoizpen kultura, balio eta bizimodu identifikatzen eta haiek ezagutzera hurbiltzea, konfiantza-, errespetu-, eta estimazio-jarrerak sortze aldera.

Gaur egun ikastetxeetan edozein kultura eta arrazako umeek daude, hori dela eta , txikitatik berdinak garela irakatsi behar da, umeentzako edo edozein pertsonarako balore oso garrantzitsua delako.

Hirugarren eta laugarren oinarriak, aldiz, lehenengo esperientzia eremuan ikus dezakegu. Norberaren ezaguera eta autonomia pertsonala esperientzia-eremuak hurrengo ezaugarriak biltzen ditu : haurrak, hezkuntzako esku-hartzearen laguntzarekin eta pixkanaka, bere buruari buruz barneratzen duen ezagutza guztia. Ezagutza horrek lagundu egingo dio haurrari bere nortasuna sendotzeko prozesuan, eta erabateko mendetasuna izatetik nahikoa autonomia izatera eramango duen bideko ibilbidean.

Haur baten bizitzan, gurasoak oso garrantzitsuak dira baina bere autonomia garatu behar dute eta horretarako bere burua ezagutu eta behar duten segurtasuna lortu behar dute. Nortasun pertsonala eraikitzeko bere ingurune fisikoarekin, naturalarekin eta sozialarekin harremanak izan behar ditu, horrela ume bera konturatuko da bere gaitasunez eta bere sentimenduez.

Lehen egin dugun moduan, hirugarren oinarrian zentratuz gero, ikusiko dugu esperientzia eremu honen 6. helburuan oso ondo azaltzen dela. Egunereko bizitzako arazoak konpontzeko ohiko jarduerak eta lan errazak gero eta modu autonomoangoan egitea, nork bere buruarekiko konfiantza era ekimen-gaitasuna aregotzeko.

Pertsonek, gure bizitza osoan zehar arazo askoei aurre egin behar diegu horregatik txikitatik ikasi behar dugu nola aurre egin eta konfiantza gehiago edukitzeko bizitzan aurrera egin ahal izateko.